شريط اخبار شخبطة ملوكى

الثلاثاء، يونيو ٠٥، ٢٠١٢

قصيدة / كلنا خالد سعيد - طارق المملوك


اخترت ناصر و احترم السادات

اخترت ناصر و احترم السادات
*****
موقف غريب ان انشأ فى ظل هذا الجو المتناقض سياسيا فى العائلةوالد ناصرى من جيل قامت الثورة وهو فى ريعان الشباب و خطا اول خطاه العمليه فى الحياه يستظل بظل الحرية مستمتعا بكلمات الرزعيم ناصر ارفع راسك يا اخىزمن جميل كم تمنيت ان اعشه و اشعر باختلاف فى ظل الرتابه المميتة التى يشهدها الوطن فى السنوات الاخيرة ، محيط مليء بالاحداث و اعادة ترتيب للبيت ، رمز و كاريزما يلازمها نظافة و طهارة يدجميل ان تشعر ان بوطنك رمز و مثل اعلى و اب لكل شاب و طفل و اخ لكل رجل يشعر به و يتكلم بلسانهجميل ان تشعر انك تناطح السحاب وانه لا فضل لاحد عليك وانك تنصنف بعد ان كنت تابعا على انك ند قوى و تشعر ان ابن بلدك الصعيدى بقى ند لوزير خارجية اكبر امبراطورية فى العالم او نقول فى تاريخ البشريه ، الامبراطورية التى لا يغرب عنها الشمسومن هنا لم يجد الرجل رحمة الله عليه ضالته فى خليفة ناصر و جده يتملق و يماين و يسعد بصحبة زهعماء العالم و يمد لهم يداه متمنيا الحوار ومع من مع من سلبك وطنك و سلبك خير ارضك و سلبك دماء عشرات الالاف من ابناء وطنك المخلصين تربيت على يدي هذا الرجل رحمة الله عليه فى سن الصبا فقد كان مغتربا فى سن طفولتى التى مكثت فيها مع جدى لوالدتى الاخوانى سابقا و رجل الدين الجميل رحمة الله عليه ايضا تربيت بين جدران الجمعية الشرعية ووسط مشايخ اعتز بهم جميعا رغم اختلافى مع البعض منهم ، بدات حفظ القران فى سن مبكرة على يدى هذا الرجل العظيم و اخذت منه حكمة الزمن الذى كان يجاهد ان يعطيها لى بابسط الصور و كان يحكى لى كلما تحسست صدرة و اماكن التعذيب الذى تعرض لها بمعتقلات ناصر بعد الثورة خوفا من سطوة الاخوان و كم قصت على جدتى اياما عصيبة قضتها بلا رجل يرعى ابناءها و هم كثر و كم كان هذا الرجل يحب السادات كان يذكرنى بايامه مع الاخوان قبل الثورة و كان محل عمل جدى الخاص امام بيت السادات و ذات يوم ارسل له رساله مع احد موظفيه و رد عليه و كم سعد جدى ، كان يعشق الرجل و يعشق فصاحته و تاريخه و كان يقول فعلا انه رئيس مؤمن كانت كاريزما السادات و سحر بيانه محل اعجاب جدى و بالتبعية كنت اسمع مديحه له هنا نشات اخوانى فى سن الطفوله و الصبا مع جد يعشق السادات و اعارنى كتابه البحث عن الذات الذى قراته وانا فى مرحلة الدراسة الاعدادية وعى نفس الفترة التى بدات اسمع فيها من والدى عن ناصر الاب و الزعيم و كبير الامة و بدات استعير من مكتبته كتب الاتحاد الاشتراكى و الدستور و كفاحى و غيرها من كتب تلك الفترةاعتقد ان الفترة التى قضيتها مع جدى شكلت اولا ملامح شخصيتى و لكن طبيعتى الشخصية و من متابعتى و قراتى و ميولى الشخصية اخترت ناصر و تمنيت ان اكون ذراعا يمنى له تحميه من تلك العصابة التى التفت حوله فاغرقت فترة حكمه فى ظلمات ظلت تلاحق الرجل و فترة حكمة و ظلت النقطة السلبية الكبيرة فى تلك الفترة العظيمة سياسيا
حاجة كمان انا والدى فيه عرق صعيدى و جدى فلاح و كل منهما اتجه لمن يماثله الانتماء لاقليمى مصر تفتكروا الموضوع ده مؤثر فعلا وان طبيعة الفلاحين و الصعايدة مختلفة للدرجة دى؟ فيكو كل منهما متشيعا لمن ينتمى لاقليمه حتى دون قصد لانه يماثله فى ردود الافعال و الحكم على الامور؟؟؟؟اخترت الرجل وانا اعرف مساوئ تلك الفترة و ايجابياتها و هو نفس ما علمته عن فترة السادات من ايجابيات و سلبيات وانا اعتقد ان اختيارى لفترة ناصر على انها اعظم فترات الجمهورية المصرية و كان من الممكن ان يكتب لها نجاحا اكبر لو ابتعد الخائنون و ابتعد محبى السلطة و المتكسبين منها و مرضى جنون السلطة و العظمةاخترت ناصر و احترم السادات و كفى


 طارق المملوك
20-6-2007

مسلمين اخر زمن

مسلمين اخر زمن
*****

قادتنى الاقدار اليوم لمشاهده عمل فنى ابكانى كما لم ابك منذ فترة طويلة، عمل ادمى القلب و ابكى العين و شل العقل عن التفكير و الاستيعاب، قادتنى الاقدار اليوم لمشاهده عمل فنى اسموه اوبريت الضمير العربى، اكثر من مائة فنان عربى واكثر من 20 دقيقة على ما اعتقد من المواد التليفزيونية عن حال الدول العربية منذ عام 1998 حتى اليوم، كوارث و دماء و احداث دامية مركزة مرت على عالمنا العربي فى اعوام قليلة كمما لو كان العالم العربي يعيد الزمن و كان التتار احتلوه مرة اخرى.
كيف هان علينا جميعا ديننا و اوطاننا؟، كيف ياتينا النوم ليلا فى ظل تلك الجرائم التى تنتهك فيها اوطاننا و اعراضنا فى كافة انحاء العالم؟، و فكرت ماذا لو ضم هذا العمل ما دار فى باقى الدول الاسلامية كالشيشان و افغانستان و باكستان و يوغوسلافيا و غيرهم؟، اكان احساسنا سيكون اعمق و الدموع اغزر ام سننام ليلا بلا اى احساس بالذنب و العار و المسئوليه تجاه ديننا و ربنا و رسوله؟.
تذكرت مع كلمات النهاية لمخرج العمل ان من يسكت على الظلم يظلم و كيف ان العرب و المسلمين اكثر شعوب الدنيا ظلما لبنى جلدتهم و كيف انهم اكثر من يحمل حزازيات لبنى جلدتهم و بنى اوطانهم، و اخذتنى الذاكرة لكثير من الاحداث التى تظهر العنف العربى العربي ، و الرفض العربى العربى، و الحزازيات العربية العربية لدرجة تفضيل من هم غير عرب على اخوانهم من العرب و المسلمين و الانقياد التام لهم.
و اخذتنى الذاكرة لاحداث داميه قررت عرضها هنا على المجموعة، ولعل كثيرون لا علم لهم بتلك الاحداث التى مع الاسف كانت بلدنا مصر طرفا اصيل بها، اعرضها هنا و اتمنى ان نعرض باقى المواقف سويا علنا نستفيد و لتكن لنا و لاجيال تاتى من بعدنا عبرة و عظة.
اشكركم
*****
طارق المملوك

1-3-2008
*****
الحرب المصرية الليبية

*****
هى حرب خاطفة بين
مصر و ليبيا اندلعت فى 21 يونيو 1977و انتهت فى 25 يونيو 1977 و قد اعقبت فترة من التوتر ما بين البلدين و مهاجمة المتظاهرين للسفارات كل دولة الموجودة في الأخرى.
المنحنى الزمنى للحرب
ازداد التوتر ما بين البلدين في
يونيو 1977و فى 20 يونيو 1977 اقام الطلاب الليبيون مظاهرة اتجهوا فيها إلى الحدود المصرية الليبية؛ و ذلك للتعبير عن غضبهم من زيارة السادات إلى اسرائيل.
فى الحادى و العشرين من
يونيو قام حرس الحدود المصريون بايقاف المتظاهرين و تطورت الأمور بسرعة إلى أن قصفت المدفعية الليبية السلوم في اليوم ذاته، و في نفس اليوم هاجمت القوات الجوية المصرية قواعد عسكرية حدودية ليبية و ذلك بأسراب من طائرات سوخوي 20 و ميج 21 مما أدى إلى تدميرها كما هاجم الطيران المصرى قاعدة جمال عبد الناصر الجوية بالقرب من بنغازى و موقع صاروخى ليبى كما تحركت في هذا اليوم فرقتان من الجيش الثالثالمصرى مكونة من المشاة المحمولين و يدعمهم المدفعية و كذلك فرق من الجيش الثالث المصرى و التى اندفعت محتلة مدينة امساعد الليبية و نقلاً عن المتحدث باسم الجيش المصرى خسرت ليبيا طائرتين و 40 دبابة .وفي22 يونيو هاجمت طائرات سوخوي 20 و ميج 21 المصرية القواعد الليبية الجوية جنوب طبرق و نجحت الدفاعات الجوية الليبية من طراز سام-7 في إسقاط طائرة ميج21 مصرية ومؤخراً في ذلك اليوم هاجمت الطائرات المصرية المواقع العسكرية الليبية بواحة كفرة و نقلا عن مصدر عسكرى مصرى قد فوجئت المدافع الليبية الخاصة بالدفاع الجوى باستخدام الهليوكبترات المصرية لتكنولجيا ECM و طبقا لنفس المصدر العسكرى فقد تم إسقاط مظليين مصريين خلف الحدود الليبية.
وفى
23 يونيو هاجمت الطائرات المصرية قاعدة جمال عبد الناصر جنوب طبرق الجوية و تم استدعاء جميع المقاتلات الليبية إلى طبرق مما أدى إلى معارك جوية عنيفة بين الطائرات المصرية الليبية و نجحت طائرات ليبية من طراز5-Dفى إسقاط بضعة طائرات مصرية من طراز ميج 21 و على الرغم من ذلك نجحت الطائرات المصرية من الانسلال إلى داخل ليبيا و دمرت قاعدة طبرق تدميراً واسعاً. و نجحت طائرات ليبية في قصف قاعدة مرسى مطروح الجوية المصريةفى 24 يونيو حاولت قوات جوية ليبية مهاجمة قواعد عسكرية بالصحراء، لكن أغليها أسقط و نقلا عن وكالات الأنباء المصرية نجحت القوات الجوية المصرية في تدمير ثكنات جنود ليبين على بعد 35 كيلو متر من الحدود المصرية الليبية وفى الخامس و العشرين من يونيو تدخلت الحكومتان الفلسطينية و الجزائرية لإيقاف القتال و أعطى الرئيس المصرى السادات أوامره بالانسحاب.معتبرا ما حصل درسا لن ينساه القذافي.
*****

قصيدة / ف شرع مين - طارق المملوك

ف شرع مين
*****
ف شرع مين؟؟
الديابه تعيش و تنهش ف الغلابة
و العصابة تستبيح كل الشوارع ..
تستبيح كل المداين و الحوارى ..
تستبيح كل المنازل و المطالع ..
يندبح كل اللى فينا .. خير وبسمه و ناس طيابه ..
يقتل الخاين غنانا ..
لحن موالنا اللى ساكن ع الربابه ..
*****
انت قولى ف شرع مين ؟؟
و اكتب الاشعار لمين ..
للى خاين شعبه عايش ف القصور ؟؟
للى بايع خير بلاده ورامى شعبه ف الجحور ؟؟
عاش هناك فى جناحه نايم ف النعيم ..
السرير و الحقنة .. حتى تغمسته للقمه ..
تنبلع ف الضلمة و ايديه ترتعش ..
هو ده اصله الجحيم ..
و الرجال ف الطل قاعدين حرانين ..
شمسنا برد و سلام ..
ف الميدان .. حضن و براح ..
احنا اللى باقيينلك يا غالية ..
و الخسيس هو اللى راح ..
*****
انت قولى ف شرع مين ؟؟
بكره واخدنا لنجاة .. ولا لفين ..؟؟
انتو مش واقفين مكانا ..
انتو مش سامعين كلامنا ..
واحنا مش سامعين نشازكم..
وسط ثورتنا و غنانا ..
احنا مش قابلين دلعكم..
لو صراخنا مش تاعبكم .. او كلامنا مش هاممكم ..
ييجى بكره ونحاكمكم ..
ونعاقبكوا بشرعنا ..
كل خاين او عميل ..
كل لص و كل سارق ..
كل ديل .. للكلب يعوى ف وشنا بنهار و ليل..
القصاص بالعدل هايكون ف انتظاره ..
كل ظالم .. كل فاجر ينتهى ويا انكساره ..
شرعنا ينطق يقول .. وده حكمنا ..
شعبنا سيد قراره ...
كل مفسد له عقابه ..
شرع رب الكون بحُكْمُه خصنا بمطلق عدالته ..
واحنا جند الحق واهبين الحياه .. نبض الحياه ..
يطلع بقى مين هو .. بسعادته ..
اللى بالينا بعياله و بمدامته ..
اللى محمى بين لصوصه .. و ببطانته ..
اه لو عرفناه هو مين؟؟
اللى حابس الجناه جوا القصور ..
اللى واهب للى قاتل الف بستان للحياه ..
مليان زهور ..
يبقى مين فينا اللى ظالم .. و الجبان ..
يبقى مين فينا اللى قاتل و المٌدَان ..
اللى قاعد ف الجناح واكل و شارب ..
اللى ناهب .. اللى هارب ..
ولا اللى ف الحر انكوى جوا الميدان ..
قبل ما نسمع جواب ..
قولنا بس بهداوه انت راح تحكم لمين ..
و بشرعنا ..
ولاانتو ناويين تظلموا .. و بشرع مين؟؟؟
*****
طارق المملوك
10/7/2011



قصة بناء .... هرم خوفو


قصة بناء .... هرم خوفو
البداية :
ترجع قصة
بناء هرم خوفو إلي زمن بعيد منذ حوالي 4700 سنة حين شرع خوفو في
بناء هرمه بعد أن حصل على موافقة الإله رع وتم حشد كل الإمكانيات لتنفيذ هذا المشروع
القومي الهام في أسرع وقت فتم إسناد أعمال التصميم إلى مكتب محرم-باخوم للأهرامات والمسلات أحد المكاتب الاستشارية المتميزة
في ذلك الوقت كما تم تكليف رئيس الكهنة بمتابعة مراحل المشروع.
الأعمال
المعمارية :
قام
المهندس لا-طيف-رع بقسم المعماري بوضع فكرة المشروع المبدئية للتصميم
وأنهاه (بعد عدة سنوات) ابنه المهندس نعم-طيف-رع كما قام بإعداد تخطيط الموقع كل
من المهندس عص-فو-رع بعد عودته للمكتب والمهندس احم-صلا-رع وذلك باستخدام الخوفو-يوتر واشتروا لذلك الجهاز احدث البرامج
للرسم خوفو كاد 14 تحت إشراف قسم الخوفو-يوتر حاكيمحتب وناصرست واقترح عاصمست اقتباس أحد المشروعات المماثلة في
مكتب هاتور ببلاد الحيثيين وإدخاله على الإسكان-رع ولكن تم رفض الفكرة وتم إرسال عاصمست إلي مسقط رأسه في طيبة للخدمة في معابد آمون-رع لتعلم
الفضيلة على أيدي كهنة المعبد.
الأعمال
الإنشائية :
بدا
المهندسان عبده تحسيس ومساعده حسيس بدراسة الأستاتيكل سيستم على أساس
أن الهرم واقف على رأسه طبقا لتصميم المهندس لا-طيف-رع إلا أن المهندس هانيسيس اعترض على التصميم خوفا فقط من
تأثير الزلازل و الرياح لأن الهواء كان شديداً
في ذلك العصر كما اعترض أيضاً المهندس صاموليس على هذه الفكرة لأنها تتعارض مع
كود الخرسانة الذي تنبأ رئيس الكهنة بأنه
سيصدر بعد 4700 سنة.
أعمال الحديد :
ولذلك تم
الاستعانة بقسم الحديد وقام المهندسان حام-رع وصا-لع باقتراح عمل أعمدة من الحديد على شكل زهرة
اللوتس لتثبيت الهرم من أعلى إلى أسفل مع عمل الدعامات اللازمة وكانت النتيجة
لكثرة هذه الدعامات أهنا كانت سبباً لرفض الفكرة نظراً لإعاقة سير العمل بالموقع
وصعوبة إدخال الأحجار لمكان البناء فتم إلغاء الفكرة وكذلك قسم الحديد بالكامل
وإلقاء جميع مهندسي الحديد في النيل في ذكرى وفاء النيل واعتبار كل من ينقب أو يعمل
بالحديد عدواً لرع والمعبد .
وهكذا فشلت الفكرة الأولى وأستأنف العمل بعد
ذلك المهندس لا-طيف-رع لان لا-طيف-رع ترك المجموعة التي كانت تعيقه عن
الإبداع وعمل مع مجموعة أخرى.
تبييض
المشروع :
كان رئيس
الكهنة قد اقترح أن يكون الهرم مستدير القاعدة ( مخروط ) إلا أن المعماريون صمموا الهرم سداسي لأن
البرجل لم يكن موجوداً في هذا العصر لكن الإنشائيون فضلوا أن يكون الهرم
رباعي لتقليل التكلفة.
وبعد رسم
المشروع وطبعه على رولات البردي وحساب الكميات تم تعديل التصميم
طبقاً لطلب رئيس الكهنة ( ممثل المالك ) إلى هرم خماسي فتم رسمه وطبعه و حساب
كمياته مرة أخرى وهكذا تم تغيير المشروع مرة أخرى بناء على طلب مهندس الحي إلى هرم ثماني
ثم مستدير ( كان البرجل قد تم اختراعه ) ثم رباعي في النهاية ( ومن هنا ظهر تعبير
كلمة تبييض لأن خوفو كان خلاص هيبيييـ....... خلاص).
الكميات
والمواصفات :
تم إرسال
المشروع برمته إلى قسم الكميات والمواصفات حيث قامت المهندستان هناتسوت ونهالتسوت بعمل كراسة كميات كبيرة اشتملت على بند واحد فقط هو توريد ورص
أحجار ولكن تم اعتراض كبير الكهنة على كلمة رص أحجار أنها تعبير دارج في المقاهي
وجعلها بند توريد ولصق أحجار وقد طلب خوفو أن تكون الكراسة بالهيروغليفية و
الإنجليزية غالباً علشان السواح.
وقامت المهندستان نهالتسوت و هناتسوت بحصر عدد أحجار الهرم سبع مرات للسبع تصميمات
المختلفة وكان عددها 2.3 مليون حجر استغرقت عملية العد 15 سنة بالتمام والكمال ورغم
ذلك طلعت الكمية غلط.
أما بخصوص
المواصفات فقد اشترطت أن تكون الأحجار مفرغة لكي تكون خفيفة على
الأساسات .
الأعمال
الصحية :
قامت
المهندستان ربابسيس وسماحسيس باقتراح نظام لصرف المطر بواسطة ماسورة
تخترق نصف الهرم وكذلك حجرة الدفن الرئيسية حتى قاعدة الهرم لتتجمع في خزان ارضي
اسفل الهرم وتنقيتها باستخدام الشبة كي يستخدمها الملك خوفو مرة أخرى حينما يعود
للحياة أما إذا لم يعود فإنه يتم استخدام قطيع من الأفيال يتم استيرادها خصيصاً من
بلاد السند أو الهند لنزح المياه بخراطيمها من الخزان.
المناظير
والواجهات :
اعد
المهندس لا-طيف-رع العائد إلى المجموعة بعد فشله في المجموعة الأخرى
منظورا كبيرا وأربعة واجهات متماثلة للهرم وقام بتلوينهم ابنه نعم-طيف-رع بواسطة الخوفو-شوب والمنقرع-درو .
التسليم :
وأخيراً تم
تسليم المشروع بعد أن كلف المكتب الاستشاري 3 أضعاف الوقت و 4
أضعاف المصاريف و 5 أضعاف رولات البردي و6 أضعاف المجهود لكن المشروع كان را-ئع
وقيل وقتها أن سبب التأخير هو رئيس الكهنة لأنه رفض أن تكون الواجهات بالحجر الفرعوني
وفضل عليه الكيم-بليكو .
و كالعادة
أكل خوفو على الاستشاري بقية أتعابه بناء
على نصيحة من رئيس الكهنة بحجة انه تأخر في تسليمه رسومات الصحي فغضبت الآلهة
جداً من رئيس الكهنة لتسببه في تأخير المشروع و خسارة الاستشاري فعاقبته بتحويله
إلى تمثال كبير من الحجر و هو ما يعرف حالياً بأبي الهول.


م / طارق المملوك


الخميس، ديسمبر ١٥، ٢٠١١

قصيدة - وجالك يوم

وجالك يوم

*****

و جالك يوم .. قليل الاصل يتنقور ..

و يجرى عليكى يتمسخر .. و يتدوَر ..

و يزعق فيكى .. يتبطر ..

ما علمتيش عيالك ليه ؟؟!!..

ما ادبتيش عيالك ليه؟؟!!..

ما حرمتيش .. تيجيبى عيال ؟؟!!..

لا جاى اشمت ولا اعايرك ..

ده انا خجلان وانا جايلك ..

ده انا ولدك .. انا شايلك ..

فى ننى عيونى من جوه..

وفاردلك قلوع الشوق .. بعزيكى ..

يا بختى لما ابكِيكى و ابكيكى ..

ولا يشمت عدو فيكى ..

آدى طرحك .. وآدى حالك و دى نفسك ..

آدى عيالك .. و ده خلفك ..

منيش مستنى اعذارك .. ولا اسفك ..

وحسرة قلبك الدبلان .. على سلفك ..

شوفى عيالك ..

ده واعدك لما يتعافى ياخد يدك .. وراح و ماجاش ..

وده حلفلك يمين الله يصون عهدك .. و ما وفَاش ..

و ده قالك .. اموت فيكى .. و اعيش فيكى .. وماستناش ..

*****

و جالك يوم .. قليل الاصل يتنقور ..

و يجرى عليكى يتمسخر .. و يتدوَر ..

و يزعق فيكى .. يتبطر ..

ما علمتيش عيالك ليه .. اصول اصلك ؟؟!!..

ما ادبتيش عيالك ليه .. و كبرتيلنا رجاله .. تصون عرضك ؟؟!!..

ولا تقولى نصيب مكتوب ولا قسمه ..

عيالك لما عوزتيهم .. يا غالية باعوكى ف الازمه ..

ما ادبتيش عيالك ليه؟؟!!.. يحاوطوكى ف يوم الشده و الازمه ..

وكبرتى ف عيالك ليه .. دبيب الخوف من الجزمة ..

كلام متعاد مالوش عازه .. ولا لازمه ..

كلام ف معاده متاخر .. لا هايقدم ولا ياخر ..

لكن عاتب على يأسك و متحسر ..

بنيتى تحت رمل الارض .. ليه قبرك .. وده هرمك ..

وطمعتى الخسيس فى اللقمه من بوقك .. عشان كرمك ..

*****

و جالك يوم .. قليل الاصل يتنقور ..

و يجرى عليكى يتمسخر .. و يتدوَر ..

و يزعق فيكى .. يتبطر ..

ما أدبتيش عيالك ليه ؟؟!!..

وجايه تلومى سجانك ؟؟!!..

وجايه تموتى من تانى .. فدا عيالك ؟؟!!..

ما علمتيش عيالك ليه ..كلام ناسك .. و علمتيهم الفاضية ؟؟!!..

و هننتى بكلام ماسخ .. و كنتى بتضحكى و راضية ..

كبيرهم لما كبَرهم .. قوام داسك ..

و لما صغيرهم اتفرعن .. حنا راسك ..

بيقيتى لوحدك الملعونة من اهلك .. و حراسك ..

ده ياما قلتلك و بكيت ..

وياما نصحت من قلبى ولا مليت ..

كرهتينى .. و قلتيلى : " واكل ناسك" ..

وانا علمك .. وانا شيخك .. وانا ناسك ..

طردتينى و بعتينى .. وودعتينى بمداسك ..

وقلتى لى بعلو الصوت :

" تحس منين .. ببسمه من ضنا غالى؟؟..

وبتغير ليه ؟؟ بدلع وادى من مالى "..

وادينى مشيت .. وفاكره ف يوم سليت و نسيت ..

وادينى غبت و اتغميت ..

ما عدت بشوف ولا بسمع .. وده حالى ..

و صورتك لسه قدامى ..

بعيد الكلمة لما بشوف ف احوالك .. و احوالى ..

*****

مسير الغم ده يعدى ..

تزيحى الهم من قلبك .. ييجى عندى ..

تعالى فى حضنى و ابكى دموع .. ولا تعاندى ..

ده انا راجلك .. انا سندك ..

انا اللى فى يوم ماهاتميلى هاقوم ساندك ..

انا قلبك .. انا صلبك ..

وبدنى يدوب فدا بدنك ..

وانا وعدك .. الاقيكى ف يوم واعدك ..

وجايلك يوم .. اقولك فيه .. هاييجى اليوم ..

و سجانك هييجى مكانه يوم فارس يجاهد ويا حراسك ..

ويجيى من بعيد ناسك

يبوسوا ايدكى و يرفعوا فى العُلا .. راسك

تسامحينا .. تلمينا ..

فى حضنك يا احن بلاد تدفينا..

تعدى سنين و تيجى سنين ولا تشيخى ..

وزى ما قالى يوم شيخى ..

دى محروسة بميت بركة .. من دعا الصالحين ..

يشقشق من بعيد بكرة .. واكونلك فيه .. منارة نور ..

وفوق شجرك .. ازقزقلك كما العصفور ..

وانا ف جيشك .. هاكون منصور ..

وهارجعلك و لو بينا بلاد و بحور ..

على شطك .. ومن رملك .. اشيدلك بيوت و قصور ..

ولا يشمت غريب فينا ولا حتى عدو مسعور ..

انا عاشق .. بموت فى ترابك المرمر ..

انا عاشق .. بدوب فى كلامك السكر ..

مسيرها الدنيا دى بتدور ..

وهابقى يا غالية بين عشاقك الهايمين ..

امير مسحور ..

*****

طارق المملوك

22/1/2011

الخميس، مايو ١٩، ٢٠١١

وهانعمل ايه ؟؟ !!

وهانعمل ايه ؟؟ !!
****
و هانعمل ايه ؟؟!!
طول ماحنا سايبين فى البيوت خفافيش ..
بتنهش لحمنا البالى..
طول ماحنا راضيين بالنواح.. ونقول ياعمنا..
طب وانا مالى ..
لو جه ماجاش .. مايهمنيش ..
كون انصلح .. او كان بلاش ..
تفرق ف ايه ؟
مبسوط كده .. وعايش انا ف حالى..

وهانعمل ايه؟ ..
انا بيهمنى .. ايه هايجرالى ..
عايش كده .. واهه هو ده حالى ..
بسعى ورا لقمه ..
اجيبها م النجمه ..
بسعى ورا هدمه .. تستراذى عيالى..
قال الخبيث حكمه ..
"هايجينا بكرة بايه؟..
جاى بدموع ف عنيه..
خايف .. جبان و ضعيف ..
شايل كفنه بايديه ..
وشمسه طاقة موت ..
وبعد بكره يفوت ..
وكل يوم بنموت ..
نغرق ف كون عتمة ..
تفرق ف ايه يا ناس .. اهى و السلام خاتمه "..
اعقل كلام الخوف ..
واعرف و بوص و شوف..
نخرص .. يموت الصوت ..
وكل يوم هانموت ..
وموت يجينا بموت ..
اعمل لبكره يكون..
اخلق له طاقة نور ..
اصرخ .. و جاهد .. كون ..
إملى البراح و الكون ..
تحضن ايدك ايديه ..

و هانعمل ايه؟ ..
دى الرجل مش شايلة ..
والعافيه راحت فين .. ف السجن مش طايلة ..
حابسه دموع العين .. جوا السواد و الليل ..
حلم الغلابة بعيد .. اصل النجوم عالية
والصوت طريد القهر .. و الكلمه مش قايلة ..
سجانا مش انسان .. ميت ف عينه الضى ..
وهايعمل ايه وازاى؟ .. ده زمانه بكره جاى ..
ده حاشية عايزة الحرق .. مالهم ف بكره زى ..
ده بكرة جايب سيف ..
للدنيا نازل ضيف ..
ييجى المسيح الحى ..
والكمة وسط الفضا ..
تزعق بميت رنه ..
حلم الرضيع مشروع .. وكلامه يتغنى ..
تحلم بيوم هاتكون .. والخلق تستنى ..
اخلق لحلمك كون .. الارض مش جنة ..

وهانعمل ايه؟
وايدين تروح ع الخد ..
اخر زمان يا خلق ..
الاخ يسرق اخوه ..
ماحد ينفع حد ..
والابن يتقل ابوه ..
ومافيش عقاب و لا حد ..
يا خلق فوقوا يا هو ..
ولاييجى يوم الرد ..
الظلم بينا جابوه ..
و السيرك يوم نصبوه ..
بلياتشو بيلعبوه ..
القرد راكب فيل ..
وغراب وصوته جميل ..
وحيه ترقص رقص ..
ادى اللى كان ناقص ..
ونقص يولد نقص ..
دور البطوله باعوه ..
مقلب وجربتوه ..
واللعبه قلبت جد ..
سيبوا الايدين ع الخد ..
يا تفوقوا بقى وكفاية ..
قمرنا شاخ و اسوًد ..

وهانعمل ايه يا خلق؟ ..
الضعف هو العيب ..
نخرس يزيد الظلم ..
نصر الغلابة قريب..
نروى غيطانه بدم ..
وبكره ياما يجيب ..
ياخد معاه الهم ..
تضم ايدنا ايديه..
تحضن عيونا عنيه ..
لما هاننسى ف يوم..
كلمة هانعمل ايه؟
****
طارق المملوك
11-5-2010

كلمة السر ... ماسبيرو

كلمة السر ... ماسبيرو.
****
لم يحدث منذ ثورة يناير الى الان ان توصل معتصمون الى تحقيق بعض مطالبهم
كل ما كان يصل اليه اى اعتصام التهدئة و الوعود او جلسات العرب
و لكن شباب ماسبيرو ضغطوا و اعتقد انهم لووا ذراع السلطة و استطاعوا الخروج بمكاسب كثيرة لهم و هم بذلك اول من يحصل على مكتسبات من الاعتصامات
اعتقد ان كثيرين سيتخذون ذلك حجة للعودة للاعتصامات بشكل اكثر و تالاصرار على مطالبهم بشكل اكبر ووقتها لا اريد ان اسمع ابدا اى اعتراض على الاعتصامات و اى اتهام للمعتصمين و اى غضب من توقف حال البلد
واعتقد ان ماسبيرو سيكون كلمة السر الكبيرة كمكان لاى اعتصام قادم و لا اريد ان اسمع ايضا عن حساسية المكان ولا عن توقف المرور ولا عن تعطيل السير
و اعتقد ايضا باننى ساستمع من بعض اصوات المسيحيين ان المعتصمين غلبوا مصلحة الوطن و استمعوا لنداء العقل و ما الى ذلك من كلمات لا تسمن ولا تغنى من جوع و الكل يعلم ان الحقيقة و الهدف من اطالة فترة الاعتصام هى الحصول على مكتسبات بفتح كنائس اغلقت من قبل قد تتكون مطالب شرعية او قد لا تكون و لكن الحقيقة انها جاءت بطريقة لى الذراع التى رفضتها الحكومة و تعللت كثيرا بانها لن تستجيب لمثل تلك المطالب فلا اريد ان اسمع بعد الان عن الاضطهاد الذى يمارسه النظام و الشعب ضد المسيحيين ، اقول الاضطهاد و لن اقول التمييز لانه فى الحقيقة يوجد تمييز و توجد تفرقه فى التعامل و لكنها فى صالح المسيحيين.
ارجو من عقلاء الكنيسة ان يحاولوا افهام شراذم ماسبيرو ان ذلك التمييز لهم و ذلك التدليل لن يكون حقيقة احساسا مشرفا و لن يكون وساما على صدور الاسود الاشاوس ممن اعتصم فى ماسبيرو و رفض الانصياع لكلمات العقل و مناشدات البطريرك مرارا لهم و ابوا ان يرجعوا الا مكاسب، تلك التفرقة و ذاك التمييز سيكونا وبالا على وحدة المجتمع و على عاطفى التراحم و الشراكة التى نود ان نصل اليها فى مجتمعنا فى القريب العاجل و التى من السهل استعادتها فهى لم تمت فى قلوب ذلك الشعب الطيب و لكن بتكرار التمييز و الاحساس بان الحصول على مكتسبات لن يكون الا للمسيحيين مستندا الى اعتصام لا يفض و استقواء بالخارج و استجداء الاخر بترويج ملفات الاضطهاد و الترويع التى لا توجد حقيقة على ارض الواقع.
اتمنى ان اجد مصرا جديدة مطالبها واحدة يشترك فى طرحها اهل مصر الاقباط ممن يعتنقون الاسلام او المسيحية معا، اتمنى الا نعيش حالة من التفرقة و العنصرية و الطائفية او التمييز بين الاقباط جميعهم مسلمين و مسيحيين بعد الان ، من الغد مصلحة واحدة و مطالب واحدة و هدف واحد كما هو الوطن واحدا و النيل واحدا و الله احد.
طارق المملوك
19/5/2011

الاثنين، مارس ١٤، ٢٠١١

يعنى ايه كوك زيرو ؟؟

يعنى ايه كوك زيرو؟؟؟؟؟
يعنى ان بلطجى ثبت واحد يتحكم عليه بمؤبد بحكم عسكرى فى يومين و ان احمد عز و العدلى و غيرهم يتحقق معاهم شهرين ويتحاكموا فى محكمة الجنايات كمان حتى مش امن الدولة.

يعنى محمد حسان و طارق وعبود الزمر و هيكل و غيرهم يطلعوا فى كل القنوات و مبارك مش لاقى اللى يسمعوا.

يعنى مبارك يطلعله ملايين تقولوا ارحل ارحل و طارق و عبود الزمر يتعملهم احتفاليه فى ناهيا.

يعنى الظابط اللى كان بيشخط و يضرب و يشتم محتاج الناس تحميه فى مظاهرة و تقول الشعب و الشرطة ايد واحده.

يعنى مبارك يبقى قاعد محدد اقامة فى شرم و الاخوان بتعمل احتفاليه علنية للشاطر و كمان يحضرها بعض القساوسة.

يعنى الناس كانت هاتموت و تجيب عمرو موسى و لما يترشح يتمسح بكرامته الارض فى الصاوى.

يعنى واحد يمسخر رئيس الوزرا و يخلية زى الـ..... و تانى يوم رئيس الوزرا هو اللى يتشال.

يعنى واحد قاتل و اتقتل من زمان و النظام يخليه رئيس وزراء.

يعنى وزير الداخليه يتجسس على الشعب و تليفوناته و بعد كام يوم الناس تبقى جوا مكتبه و اوضه نومه و بيتفرجوا على البرنس و الجاكوزى بتاعه عينى عينك.

يعنى ناس تخرج من الزنازين بزفه و يكون سجانهم فى نفس اللحظة جوا نفس الزنازين.

يعنى خالد يوسف و صفوت حجازى يبقوا فى التحرير سوا و يكون غاده عبد الرازق و خالد الجندى فى نفس الوقت سوا فى مصطفى محمود.

يعنى تامر امين يفضل فى مصر النهارده و محمود سعد يقعد فى بيتهم.

يعنى سرور مايبقاش مسرور و نظيف مايطلعش نظيف و رشيد مايكونش رشيد و جمال يبقى المتهم بموقعة الجمال.
يعنى نظيف يستبعد شرف من الوزارة و بعد كام سنة يكون شرف مكانه وهو فى السجن.

يعنى واحد زى القذافى وتوابعه من الليبين غير الشرفاء يقتلوا شعبهم و المصريين هما اللى يعالجوهم.
يعنى الجزيرة تنقل احداث الثورة و الاعلام المصري يؤدى دوره القومى و ينقل احداث تونس.

يعنى تحضن و تبوس ظابط الشرطة اكتر من ابوك.

يعنى الاهلى يبقى بيلعب و كل القهاوى مشغله الاخبار.

يعنى فيلم جديد يتعرض حصرى و فضايح الكبار تبقى على عينك يا تاجر.

يعنى اليهود يقدروا الشعوب العربية و يعوا انهم مصدر القوة الان و يطالبوا معهم و الحكام العرب لسه مش مقتنعين يحاوروا الشعب.
يعنى جبان واقف جوا قلعة زى القذافى يصف الشعب الاعزل الشجاع بالجرذان.

يعنى القذافى يخرف و يهطل و يقول على شعبه ان بيبلبع حبوب هلوسه.
يعنى على بن صالح يبقى تايه و مش فاهم شعبه و يقول على الشعل هو اللى متوه من القاط.

يعنى عمر سليمان المكروه يطلع يقول خطاب التنحى و الناس تقوله اعددددددددددددد.

يعنى دبابات النظام يكون مكتوب عليها يسقط مبارك او ارحل .
يعنى الثوار يكون معاهم البلاك بيرى و الاى فون و الاى باد فى التحرير و الحكومة تقول معاهم اجندات.
يعنى تامر حسنى ينزل الميدان و يتشتم و شيخ الازهر ماينزلش و برضه يتشتم.

يعنى القرضاوى يصلى وراه ملايين الشباب وتامر حسنى يتشتم من نفس الملايين.

يعنى ايمن نور يحارب النظام سنين و يتبهدل و البرادعى فى شهور يبقى ملهم الثوره.

يعنى وزيرة تنهان بالانحاء و بوس الايادى عشان تفضل فى الوزارة و لما تبقى بره الوزارة تنهان برضه باتهامات الخيانه.

يعنى تبقى معاك الاعدادية ووزير و كتير معاهم دكتوراه و عاطلين

طارق المملوك
14/3/2011

الثلاثاء، مارس ٠٨، ٢٠١١

ثورتنا الجديدة - طارق المملوك

ثورتنا الجديدة
****
موضوع شائك انتويت ان ابدا الحديث فيه وهو يتعلق بموضوع حكم الثوار ، ففى الغالب الاعم اى ثورة تقوم نرى الحكم بعدها ينتقل الى سلطة الثورة سواءا فرد منها او مجموعة و نحن هنا فى صدد الحكم على تلك الحالة وهل هى الحالة المثلى ام لا.
الثورة عادة تعتمد على حالة عاطفية جياشة تبدا بفرد او جماعة تعشق بلادها حتى الفداء فلا تخاف على روح او دنيا فى سبيل الوصول ببلادها الى الصورة التى ترضيهم ، و الثوار عادة لا يرون اللون الرمادى اللون الابيض و الاسود فقط هو ما يرونه ، فلا يقبلون دائما بانصاف الحلول و لا يرضون باى حال بحلول طويلة الاجل او دبلوماسية او سياسة، هم يتخذون قرارهم و ينطلقونز
و بذلك فالواقع يفرض على الدول الاخذ باسباب النهوض و معظم التجارب التى تتوفر لنا الان هى تجارب طويلة الامد و اتخذت من الطرق السلمية سبيلا للنهوض و لنا مثلا خير مثال فى مايزيا و تركيل و البرازيل ، تغيرت القيادات الى صالحة فانصلح حال البلاد و العباد فى فترات اخذت فى الغالب 20 عاما لتصير فى مصاف الكبار وهى فترة ليست بطويلة فى عمر البلاد.
الطرق السلمية فى التغيير لسياسات و اقتصاديات البلاد قد تاتى بتوفيق من الله فى اختيار القيادات و اتمنى ان تكون ايضا بتوفيق من الله لثورات اطاحت بالمفسدين و الفاسدين ، ثم ياتى بعد تلك الثورات ادارة سياسية اقتصادية واعده وواعية تقود البلاد للاتجاه الصحيح على طريق التقدم ، هى خطوات متانية و محسوبة و مدروسة بمنتهى الوعى لوضع البلاد على الطريق الصحيح و من هنا ارى ان تكون القيادات بعيدة تماما عن قيادات الثورة وهم من قدموا الغالى و النفيس فى سبيل تحرير الوطن من مستغليه و فراعينه ، ولكن هذه المرحلة تتطلب منهم القيام بدور الرقيب فقط ، و ليكن الحكم لاهل الخبرة ممن نعرف عنهم الشرف و الامانة و الاخلاص ، فالثائر متعجل و عاطفى و اعتقد ان وقته كان فى الميدان و ليس فى الحكم.
فى الثورة المصرية او الانقلاب عام 1952 و احداثه ما يؤكد ما ذكر عن ضرورة تجنب الثوار الذى يظلون فى حالة ثورة لا تهدا لفترات طويله، فالثورة اطاحت بالملك فاروق ثم بابنه من بعده و بعدها التفتت لتطيح باول رئيس جمهورية و قائد الحركة المعلن لتاتى بقائدها الفعلى من بعده و من بعدها تطيح القيادة الثانية لاغلب القيادات من الاحرار لان الثوار بداوا يثورون على بعضهم و الوقت حان للتحرك بلا قيود و لا اغلال ، و انطلقت القياده من ثورتها الى ثورة المجتمع و ليس نهضته و الفارق كبير فالتاهيل للتقدم لم يتم و لكنه ثورة و شحذ همم فقط فلم تقم القاعده المؤهلة للاستمرار فى الثورة الصناعية مثلا التى اعتمد على استيراد التنكنولوجيا و بعض مشغليها للاستفاده بها ، ثم انطلقت الثورة لتتحد مع كل ثورة فى الجزائر و سوريا و اليمن و ليبيا و افريقيا و العالم كله ، فاصبحنا حقيقة اعلام الثورة فى العالم و اصبح قائد ثورتنا رمزا للثورة فى العالم كله ثم تاتى الانفعالات الشريفه لبناء البلد بثورية و قرارات عظيمة كانت من الممكن ان تكون كارثه بمعنى الكلمة لولا ستر الله علينا ، ولكنه لم يقدر لنا ان تستر اخر نكساتنا فتأتينا الانكسارة الاخيره لتصدم كل الثوار و تجبر الجميع على الهدؤ و الانكسار ومن لم يستطع مات او عاش ميتا لفترة طويلة ، تلك هى تجربتنا السابقة التى اتمنى ان تكون ثورتنا الحالية اكثر نضوجا لتقودنا الى ما نحبه و نرضاه لانفسنا و بلدنا.
طارق المملوك
8/3/2011